Trajneri i Arsenalit, Mikel Arteta, ka mohuar sugjerimet se transferimi i Eberechi Eze ishte i ndikuar nga lëndimi i Kai Havertz.
Skuadra nga veriu i Londrës veproi me shpejtësi për të finalizuar marrëveshjen prej 60 milionë eurosh për yllin e Crystal Palace, duke mposhtur Tottenham në garën për nënshkrimin e tij.
Por Arteta theksoi se ky transferim ishte planifikuar prej kohësh dhe nuk ishte një reagim ndaj shqetësimeve të fundit për dëmtimet.
“Sigurisht që kemi qenë shumë aktivë, duke analizuar mundësitë që mund të shfaqeshin. Nuk po reagojmë ndaj ndonjë situate, kemi qenë të përgatitur mirë dhe e kemi ditur çfarë mund të bëjmë. Tani kemi vendosur që ky është momenti i duhur”.
“Po tregojmë ambicien tonë për të fituar trofe të mëdhenj dhe për të vazhduar të zhvillohemi e përmirësohemi çdo vit. Kjo sjell kërkesa, dhe ato kërkesa janë të qarta”.
“Ne duam të jemi përpara në kampionat, jo vetëm të ndjekim ose të reagojmë, apo të jemi prapa. Duam të jemi përpara, dhe çdo vendim që marrim në çdo aspekt të klubit është për të arritur këtë qëllim”, ka thënë Arteta.
Eze pritet të bëhet transferimi i shtatë i Arsenalit këtë verë, duke çuar totalin e shpenzimeve të tyre në 250 milionë euro.
Transferimi i tij vjen pas nënshkrimeve si Viktor Gyokeres dhe Martin Zubimendi, duke theksuar vendosmërinë e “Topçinjve” për të ndërtuar një skuadër pretendente për titull./Telegrafi/
