Sekretari i Jashtëm britanik, David Lammy do të marrë pjesë në bisedimet bërthamore me Iranin dhe homologët e tij evropianë.
Ministrat nga Gjermania, Franca dhe Britania do të takohen me zyrtarë iranianë në Gjenevë nesër, transmeton Telegrafi.
Ata do të takohen së pari me diplomaten më të lartë të BE-së, Kaja Kallas, përpara se të zhvillojnë një takim të përbashkët me ministrin e jashtëm iranian.
Shtytja e përbashkët evropiane vjen mes frikës së përshkallëzimit të luftimeve në Lindjen e Mesme.
Qëllimi i bisedimeve, të cilat një burim gjerman tha se po zhvillohen në koordinim me SHBA-në, është të bindin Iranin të garantojë që programi i tij bërthamor nuk do të shndërrohet në armë./Telegrafi/
