Paris Saint-Germain ka shkruar historinë e tyre, duke fituar për herë të parë Ligën e Kampionëve.

Skuadra franceze triumfoi 5-0 në finale përballë Interit, duke qenë dominuese që nga fillimi e deri në fund.

Francezët e mbyllën pjesën e dytë me rezultat 2-0 falë golave të shënuar nga Achraf Hakimi dhe Desire Doue.

Në fraksionin e dytë të ndeshjes ata realizuan edhe tri herë të tjera përmes Doue, Kvaratskhelia dhe Mayulu.

Kjo ishte e tëra lexues të nderuar. Telegrafi si gjithmonë iu ka mbajtur të informuar ara dhe gjatë finales së Ligës së Kampionëve me më të rejat e fundit.

31/05/2025 23:58-Tifozët e PSG-së i bën homazh vajzës së Luis Enriques në finalen ndaj Interit: Çfarë i ndodhi Xana Enriques?

Luis Enrique dhe Paris Saint-Germaini festuan fitoren e tyre në finale të Ligës së Kampionëve të shtunën. Kampionët francezë mposhtën Interin 5-0 në një finale të pabarabartë në Allianz Arena. Sapo u dëgjua fishkëllima e fundit, Enrique nxitoi të përqafonte lojtarët e tij. Tifozët thanë se fitorja ishte një homazh për vajzën e trajnerit spanjoll, Xana. Çfarë i ndodhi vajzës së Luis Enriques? Lexo lajmin e plotë....

31/05/2025 23:48-Tottenham do të përballet me PSG-në në Superkupën e UEFA-s

Paris Saint-Germain dhe Tottenham Hotspur do të përballen me njëra-tjetrën për të fituar trofeun e parë evropian të sezonit 2025/26 në Superkupën e UEFA-s . PSG e siguroi vendin e tyre pasi e mposhti Interin me rezultatin 5-0 në finalen e Ligës së Kampionëve.
Më herët, Tottenham mposhti Manchester United me rezultatin 1-0 për titullin e Ligës së Evropës.

31/05/2025 23:34-Kylian Mbappe thyen heshtjen pasi PSG-ja fitoi Ligën e Kampionëve

Në një natë historike për futbollin francez, Paris Saint-Germaini triumfoi me rezultatin 5-0 ndaj Interit në finale të Ligës së Kampionëve, duke siguruar titullin e parë të këtij niveli për klubin. Ndeshja u zhvillua në Allianz Arena të Mynihut, dhe përfundoi me një dominim të plotë të skuadrës pariziene. Në një postim në Instagram, Kylian Mbappé, ish-lojtari i PSG-së, e uroi klubin për këtë sukses. Lexo lajmin e plotë...

31/05/2025 23:21-Makthi i Interit: Nga ëndrra e tripletës në një sezon duarbosh

Vetëm një muaj më parë, Interi ëndërronte të fitonte tripletën, por tani e ka përfunduar sezonin pa asnjë trofe në duar. Interi e përfundoi sezonin 2024-25 pa asnjë trofe, pasi humbi finalen e Ligës së Kampionëve 5-0 kundër PSG-së. Vetëm një muaj më parë, Nerazzurrët ëndërronin të fitonin tripletën, me trajnerin Simone Inzaghi që sugjeronte se skuadra e tij mund të fitonte edhe katër tituj, përfshirë Kupën e Botës për Klube. Lexo lajmin e plotë...

31/05/2025 23:10-Nota e Kristjan Asllanit dhe të tjerëve: PSG 5-0 Inter

Paris Saint-Germain ka shkruar historinë e tyre, duke fituar për herë të parë Ligën e Kampionëve. Skuadra franceze triumfoi 5-0 në finale përballë Interit, duke qenë dominuese që nga fillimi e deri në fund. PSG-ja e dominoi këtë ndeshje që nga minuta e parë duke mos lënë hapësira për ndonjë dyshim sa i përket fituesit. Lexo lajmin e plotë...

31/05/2025 23:10-Ëndrra u bë realitet – PSG deklason Interin në finalen e Championsit dhe kompleton tripletën e artë

Paris Saint-Germain ka shkruar historinë e tyre, duke fituar për herë të parë Ligën e Kampionëve. Skuadra franceze triumfoi 5-0 në finale përballë Interit, duke qenë dominuese që nga fillimi e deri në fund. Pas vetëm 12 minutash lojë Desire Doue asistoi te Achraf Hakimi, që realizoi me lehtësi në portën e ish-skuadrës së tij. Lexo lajmin e plotë...

31/05/2025 22:51-Merr fund gjithçka: PSG me meritë shpallet fitues i Ligës së Kampionëve

90' Përfundon ndeshja: PSG 5-0 Inter

31/05/2025 22:47-PSG-ja e shkatërron tërësisht Interin

86' GOOOOOOOOOOOL! PSG realizon për 5-0, kësaj radhe përmes Senny Mayulu

31/05/2025 22:41-Barcola kalon me lehtësi Acerbin, por gabon para portës

70' Bradley Barcola me një super driblim e mposhti Acerbin, por u tregua i pasaktë përballë portës

31/05/2025 22:33-PSG-ja poshtëron Interin, vjen edhe goli i katërt

70' GOOOOOOOOOOOL! Pas një kundërsulmi vrastar Kvaratskhelia realizon pa probleme përballë Sommer për 4-0

31/05/2025 22:29-PSG me rast konkret për golin e katërt

69' Bradley Barcola me një goditje të fuqishme brenda zonës, por topi përfundoi mbi portë

31/05/2025 22:23-Desire Doue i jep goditjen përfundimtare Interit

63' GOOOOOOOOOOOOOL! Doue realizon golin e tij të dytë personal dhe të tretin për PSG-në (3-0)

31/05/2025 22:10-Kvaratskhelia shpërdoron një rast të mirë shënimi

49' PSG-ja rrezikon edhe njëherë tjetër me Kvaratskhelian, por gjeorgjiani tregohet sërish i pasaktë

31/05/2025 22:06-PSG e nis më mirë pjesën e dytë

46' PSG-ja e nis vrullshëm pjesën e dytë, Kvaratskhelia rrezikon portën e Sommer

31/05/2025 22:05-46' Nis pjesa e dytë: PSG 2-0 Inter

31/05/2025 21:49-PSG me avantazh të dyfishtë ndaj Interit pas pjesës së parë

'45+2 Përfundon pjesa e parë me avantazh prej 2-0 në favor të PSG-së

31/05/2025 21:38-Interi rrezikon portën e PSG-së, por pa rezultat

36' Marcus Thuram kërcënon seriozisht portën e PSG-së, goditja e tij me kokë shumë afër të përfundonte në rrjetë

31/05/2025 21:24-Interi krijon rastin e parë për gol

23' Rasti i parë për Interin mban emrin e Francesco Acerbit. Italiani gjuajti me kokë mbi portën e Donnarummas

31/05/2025 21:22-PSG-ja me avantazh të dyfishtë ndaj Interit: Desire Doue realizon pas një kundërsulmi

20' GOOOOOOOOOOOL! Desire Doue realizon për 2-0 pas një kundërsulmi 'vrasës', asiston Dembele

31/05/2025 21:19-Kundërsulm i mirë nga PSG-ja, por pa rezultat

17' Pas një kundërsulmi PSG-ja pati një rast të mirë, por Kvaratskhelia gjuan mbi portë

31/05/2025 21:14-Presioni i vazhdueshëm i PSG-së shpërblehet me gol

12' GOOOOOOOOOOOOOOL! Achraf Hakimi shënon për t'i dhënë epërsinë prej 1-0 PSG-së ndaj Interit

31/05/2025 21:10-Rasti i parë në ndeshje i takon PSG-së

9' Desire Doue gjuan në drejtim të portës, por goditjen e pret pa probleme Yann Sommer

31/05/2025 20:50-Përleshje masive para finales PSG-Inter: Godasin me mjetet të forta njëri-tjetrin

Tensionet u rritën përpara finales së Ligës së Kampionëve, ndërsa tifozët e Interit dhe Paris Saint-Germain u përleshën në Mynih, ndërsa përplasja do të zhvillohet në Allianz Arena. Pamjet e plota>>>

31/05/2025 20:50-“UEFA nuk mëson kurrë”, kaos në Mynih, tifozët e Interit dhe PSG-së përmbytën metronë — ata shtypen brenda tij

Kaosi ka shpërthyer në Mynih vetëm disa minuta para finales së Ligës së Kampionëve, me stacionet e metrosë të mbingarkuara nga turma masive tifozësh të Interit dhe PSG-së. Pamjet e plota>>>

31/05/2025 20:18-Pak orë para finales së Ligës së Kampionëve, Luis Enrique thumbon ashpër Mbappen

Luis Enrique ka folur përsëri për progresin e Paris Saint-Germain pa Kylian Mbappe, vetëm pak minuta para finales së Ligës së Kampionëve kundër Interit. Lajmi i plotë>>>

31/05/2025 20:18-Nata më e madhe e sezonit, Paris Saint-Germaini dhe Interi publikojnë formacionet zyrtare

Paris Saint-Germaini dhe Interi kanë publikuar formacionet zyrtare para finales së madhe të Ligës së Kampionëve e cila do të nis me fillim nga ora 21:00. Dy ekipet do të takohen në ‘Allianz Arena’ të Mynihut, aty ku pritet të zhvillohet një ‘luftë’ mes dy taboreve që kanë shfaqur mjaft kualitet këtë edicion. Trajnerët Luis Enrique dhe Simone Inzaghi kanë vendosur që të futen në fushë me lojtarët më të mirë në dispozicion.

31/05/2025 19:08-Zbulohet pse Interi do të veshë fanellën e tretë në finalen e Ligës së Kampionëve kundër PSG-së

Ekziston një arsye specifike pas vendimit të Interit për të veshur fanellën e tretë në finalen e ardhshme të Ligës së Kampionëve kundër PSG-së—diçka që ka ndodhur vetëm dy herë gjatë sezonit të tyre evropian. Lajmi i plotë>>>

31/05/2025 17:48-Pse gjyqtari i finales së Ligës së Kampionëve është një ogur i mirë për Interin

Istvan Kovacs është konfirmuar zyrtarisht si gjyqtari i finales së Ligës së Kampionëve midis Interit dhe Paris Saint-Germain. Lajmi i plotë>>>

31/05/2025 16:33-UEFA vendos një rregull pak të njohur për finalen e Ligës së Kampionëve – ka të bëjë me stadiumin

Paris Saint-Germain dhe Interi do të përballen në finalen e madhe të futbollit evropian të shtunën mbrëma në Mynih. Interi do të kërkojë të fitojë titullin e parë të Ligës së Kampionëve që nga viti 2010, kur u drejtua nga Jose Mourinho, në një kohë kur ekzistojnë pasiguri mbi të ardhmen e trajnerit aktual, Simone Inzaghi. Ndërkohë, PSG nuk e ka fituar kurrë këtë kompeticion. Megjithatë, trajneri i tyre, Luis Enrique, e ka fituar atë me Barcelonën në vitin 2015. Lexo lajmin e plotë...  

31/05/2025 16:05-Pse Kristjan Asllani do të jetë shumë i rëndësishëm për Interin në finalja shkon në penallti

Interi do të përballet me Paris Saint-Germain të shtunën mbrëma në finalen e Ligës së Kampionëve, dhe ndërsa trajneri Simone Inzaghi shpreson ta mbyllë ndeshjen brenda kohës së rregullt, ekziston mundësia që fati i trofeut të vendoset nëpërmjet gjuajtjeve të penalltive.
Nëse kjo ndodh, lideri i Interit për penalltitë është Hakan Calhanoglu. Mesfushori turk ka një rekord mbresëlënës: 49 gola nga 55 përpjekje gjatë karrierës së tij, përfshirë 19 nga 20 në Serie A. Megjithatë, Calhanoglu ka luajtur vetëm dy herë të plota 90 minutat në 14 ndeshjet e këtij sezoni në Ligën e Kampionëve, që do të thotë se nuk është e sigurt nëse ai do të jetë ende në fushë nëse ndeshja përfundon në penallti. Lexo lajmin e plotë....

31/05/2025 16:04-Rezultatet e Luis Enriques nëpër finale, duken shqetësim për Interin

Luis Enrique do të ketë shansin të shtojë sonte një tjetër “tripletë” në karrierën e tij si trajner, nëse PSG triumfon ndaj Interit në finalen e Ligës së Kampionëve. Përtej këtij suksesi të jashtëzakonshëm, është edhe rekordi i tij i jashtëzakonshëm në finale që mund të shqetësojë Interin. Trajneri spanjoll, që më parë ka drejtuar Romën, u bë i famshëm kur fitoi tripletën me Barcelonën në sezonin 2014/15, duke triumfuar në La Liga, Kupën e Mbretit dhe Ligën e Kampionëve – e kjo e fundit me një fitore 3-1 ndaj Juventusit në finalen e zhvilluar në Berlin. Lexo lajmin e plotë...

31/05/2025 14:51-20 ekipet më të mira të Ligës së Kampionëve të shekullit të 21-të: Befasojnë me pozitat e tyre PSG dhe Inter

PSG dhe Inter do të përballen në finalen e Ligës së Kampionëve, një duel që ka marrë përmasa sensacionale. Ajo që e bën këtë përballje edhe më interesante është fakti se asnjëra nga skuadrat nuk konsiderohej si pretendente serioze për trofeun në fillim apo madje as në mes të sezonit. Interesant është edhe fakti se asnjë nga këto dy klube nuk renditet në mesin e 10 ekipeve më të mira të Ligës së Kampionëve të shekullit të 21-të. Kjo është përcaktuar nga një renditje objektive, bazuar në pikët që ekipet kanë mbledhur për arritjet e tyre ndër vite. Lexo lajmin e plotë...

31/05/2025 14:13-PSG apo Inter? Lexuesit e Telegrafit kanë vendosur për finalen e Ligës së Kampionëve

Finalja e madhe e Ligës së Kampionëve 2024/25 mes PSG-së dhe Interit ka ndezur imagjinatën e tifozëve anembanë globit. Me duelin që luhet sonte në mbrëmje në “Allianz Arena” të Munichut, emocionet janë më të larta se kurrë, teksa dy skuadra gjigante të futbollit europian përplasen për trofeun më të çmuar të klubeve. Një sondazh i realizuar nga Telegrafi, ku kanë marrë pjesë mbi 10 mijë lexues, ka treguar se PSG-ja shihet si favorite, por vetëm për një fije të hollë.
Sipas lexuesve të Telegrafit, 51% kanë besuar se kampionët e Francës do të triumfojnë dhe do të sjellin trofeun e parë të Ligës së Kampionëve në Paris, ndërsa për Interin, që këtë sezon ka treguar një formë të shkëlqyer në Evropë nën drejtimin e Simone Inzaghit, ka marrë mbështetjen e 49% të lexuesve të Telegrafit.

Rezultati i sondazhit në Telegrafi për finalen

31/05/2025 13:52-PSG – Inter: Statistika, analizë, formacionet e mundshme dhe parashikimi i finales së Ligës së Kampionëve

Paris Saint-Germain dhe Interi do të luajnë mes vete në finale e madhe të Ligës së Kampionëve 2024/25, duke kërkuar trofeun më të lakmuar evropian për klube. Parisienët do të kërkojnë trofeun e parë evropian, ndërsa Nerazzurrët janë në kërkim të trofeut të katërt, në një ndeshje e cila pritet të jetë shumë e luftuar nga minuta e parë. Lexo lajmin e plotë....

31/05/2025 12:04-PSG apo Inter? Legjendat e futbollit parashikojnë finalen e Ligës së Kampionëve

Shumë emra të mëdhenj të futbollit janë mbledhur në Mynih për të shikuar finalen e madhe të Ligës së Kampionëve mes Paris Saint-Germain dhe Interit. PSG dhe Interi do të luftojnë sonte (e shtunë) mes vete në “Allianz Arena” nga ora 21:00, për trofeun më të madh të ekipeve në Evropë. Kjo përballje po pritet me entuziazëm të madh nga tifozët e futbollit, por në Mynih janë mbledhur edhe shumë legjenda, të cilët duan ta shikojnë nga afër finalen. Lajmi i plotë...

31/05/2025 11:30-Superkompjuteri zgjedh formacionin e kombinuar për finalen e Ligës së Kampionëve

Vetëm pak orë kanë mbetur derisa topi të fillojë të rrotullohet në Mynih, ku Interi dhe PSG përballen me njëra-tjetrën në një ndeshje që mund të jetë historike, veçanërisht për parisienët. 22 lojtarë do të zgjidhen për të dalë në fushë me qëllimin për të ngritur trofeun e Ligës së Kampionëve. Gjashtë lojtarë të PSG-së dhe pesë lojtarë të Interit janë përzgjedhur nga superkompjuteri i Stats Perform për të formuar formacionin ideal për finalen e Ligës së Kampionëve. Lajmi i plotë...

31/05/2025 10:48-Sneijder paralajmëron PSG-në: Interi është më i madh dhe më i fortë se në finalen kundër Man Cityt

Wesley Sneijder beson se Interi është një “bishë” tjetër përpara finales së Ligës së Kampionëve kundër Paris Saint-Germain sonte (e shtunë) mbrëma, veçanërisht krahasuar me dy vjet më parë kur Nerazzurrët humbën për pak ndaj Manchester Cityt në finalen e vitit 2023 në Stamboll. Nerazzurrët po kërkojnë titullin e tyre të katërt të Ligës së Kampionëve ose Kupës Evropiane kundër PSG-së, të cilët nuk e kanë ngritur kurrë më parë trofeun më të kërkuar të UEFA-s. Sneijder, i cili luajti një rol kyç në fitoren e tripletës në vitin 2010 të Nerazzurrëve nën drejtimin e Jose Mourinhos, ka shpjeguar se si Interi ka filluar të ecë përpara që nga humbja ndaj Cityt në finalen e Ligës së Kampionëve në vitin 2023. Lajmi i plotë..

31/05/2025 10:23-"Pritja pothuajse ka mbaruar", pak orë na ndajnë nga finalja e Ligës së Kampionëve

Të gjithë sytë janë sonte (e shtunë) tek finalja e madhe mes Paris Saint-Germain dhe Interit në Ligën e Kampionëve. "Pritja pothuajse ka mbaruar", shkruan në faqen zyrtare të Ligës së Kampionëve.

31/05/2025 10:11-Dembele: Para se të mendosh për Topin e Artë, duhet ta fitosh Ligën e Kampionëve

Sulmuesi anësori i Paris Saint-Germain, Ousmane Dembele, po del si një pretendentë i fortë për Topin e Artë, falë formës së tij mbresëlënëse në vitin 2025. Pavarësisht një rënieje të lehtë në shënimin e golave ​​në muajt e fundit, performanca e përgjithshme e Dembeles ka qenë e jashtëzakonshme, me 25 gola tashmë këtë vit kalendarik. Ndërsa PSG përgatitet të përballet me Interin në finalen e Ligës së Kampionëve, Dembele është i përqendruar në fitimin e çmimit kolektiv dhe jo të trofeve individual. Lajmi i plotë...

31/05/2025 09:37-Thuram shpreson për një moment të veçantë në finalen e Ligës së Kampionëve

Sulmuesi i Interit, Marcus Thuram, mezi pret finalen e Ligës së Kampionëve kundër Paris Saint-Germain, duke theksuar rëndësinë e momenteve individuale të cilësisë së yjeve në vendimin e ndeshjeve të mëdha. Thuram përmendi shembuj të tillë si goli me volej i Zinedine Zidane për Real Madridin kundër Bayer Leverkusen në vitin 2002 dhe goli me kokë i Lionel Messit kundër Manchester United në vitin 2009, duke theksuar ndikimin që një moment i vetëm shkëlqimi mund të ketë në rezultatin e një ndeshjeje. Lajmi i plotë... 

31/05/2025 08:51-PSG – Inter, sonte zhvillohet finalja e madhe e Ligës së Kampionëve

Sot (e shtunë) është programuar finalja e madhe e Ligës së Kampionëve, ku Paris Saint-Germain dhe Inter luajnë për t’u bërë mbretër të Evropës. Kjo finale është paraparë të zhvillohet në stadiumin Allianz Arena të Mynihut me fillim nga ora 21:00. Lajmi i plotë... 

30/05/2025 23:54-Superkompjuteri parashikon fituesin e Ligës së Kampionëve – ka një favorit të qartë

Interi është skuadra më e nënvlerësuar në finalen e Ligës së Kampionëve kundër Paris Saint-Germainit, sipas Opta Supercomputer, por disa shifra mund të jenë një ogur i mirë. Finalja e madhe do të luhet më 31 maj në orën 21:00 në ‘BayArena’.  Ky është çuditërisht takimi i parë zyrtar midis këtyre ekipeve, por të dyja kanë arritur në finale kohët e fundit dhe kanë dalë të mposhtura. Lexo lajmin e plotë...

30/05/2025 23:44-Një hap larg historisë, Luis Enrique: Liga e Kampionëve ka qenë objektiv kryesor prej kohësh

Paris Saint-Germain është vetëm një hap larg historisë, nga triumfi i parë në Ligën e Kampionëve, dhe Luis Enrique nuk dëshiron që kjo mundësi t’i rrëshqasë nga duart. Në një intervistë dhënë kanaleve zyrtare të UEFA-s, trajneri spanjoll shpjegoi çfarë do të thotë për të ngritja e “kupës me vesh të mëdhenj” në qiell. “Ajo që më motivon më shumë është të bëj histori me Parisin, sepse pikërisht për këtë erdha: për të fituar Ligën e parë të Kampionëve. E para është gjithmonë më e vështira, siç ishte edhe Kupa e parë e Botës për Spanjën”. Lexo lajmin e plotë...

30/05/2025 23:28-Luis Figo parashikon finalen e Ligës së Kampionëve

Luis Figo, ish-mesfushori legjendar i Interit, ka ndarë mendimin e tij për finalen e madhe të Ligës së Kampionëve që do të luhet nesër (e shtunë) në Mynih, mes PSG-së dhe Interit.  Në një intervistë për Sky Sport, portugezi theksoi se në këtë nivel, favoritët janë vetëm në letër. “Ekziston një favorit për ndeshjen e nesërme? “Në çdo finale nuk ka favorit. Në teori ka gjithmonë, por në fund ka pak rëndësi ajo që mendohet në atmosferën para ndeshjes”.Lexo lajmin e plotë...

30/05/2025 23:18-Marquinho paralajmëron Interin para finales së Ligës së Kampionëve – e di se si të sulmojnë pikën e dobët

Mbrojtësi i Paris Saint-Germain, Marquinhos, foli në një konferencë për shtyp në prag të finales së Ligës së Kampionëve kundër Interit, duke theksuar rëndësinë e qasjes mendore të trajnerit Luis Enrique ndaj suksesit të ekipit. Lajmi i plotë>>>

30/05/2025 22:28-Lautaro Martinez flet mes lotëve: Vetëm një skuadër mund ta fitojë trofeun, na duhet një paraqitje perfekte

Lautaro Martinez u rrëmbye nga lotët para finales së Ligës së Kampionëve të Interit kundër Paris Saint-Germainit, me argjentinasin që ka deklaruar se kjo është koha e duhur për ta fituar atë. Finalja e madhe mes Interit dhe PSG-së do të luhet nesër (e shtunë) me fillim nga ora 21:00 në Munich të Gjermanisë. Kapiteni foli për Sky Sport Italia përpara se të hynte në konferencën e tij për shtyp dhe u prek deri në lot nga një video që tregonte mesazhe nga nëna, babai, gruaja dhe fëmijët e tij.Lexo lajmin e plotë...

30/05/2025 18:39-Nga Parisi në Milano: Kush e ka recetën për trofeun e madh të Ligës së Kampionëve?

Mbrëmja e 31 majit rezervon një përballje të shumëpritur: finalen e Ligës së Kampionëve mes Paris Saint-Germain dhe Inter. Dy skuadra me stile të ndryshme, por me qëllim të përbashkët – të prekin majën e futbollit evropian. PSG vjen në këtë finale me një filozofi të qartë: zotërim topi, sulm të vazhdueshëm dhe krijim të shumtë të rasteve. Lexo lajmin e plotë...

30/05/2025 17:34-Barella: Taktikat nuk kanë aq shumë rëndësi sa zemra në finalen e Ligës së Kampionëve

Nicolo Barella ka theksuar se Interi tashmë i ka mposhtur Barcelonën dhe Bayern Munichun, kështu që janë gati për PSG-në në finalen e Ligës së Kampionëve. Finalja e madhe do të luhet në Munich dhe është ky i njëjti stadium ku ‘Nerazzurrët’ dolën me një fitore 2-1 falë një goli të Davide Frattesit në çerekfinale kundër Bayern Munichut. “Është një kujtim i mrekullueshëm i golit të Frattesit, ishte një performancë e shkëlqyer e Interit”. Lexo lajmin e plotë...

 

30/05/2025 13:58-PSG konfirmon skuadrën e plotë për finalen e Ligës së Kampionëve kundër Interit

Nuk do të ketë asnjë mungesë në skuadrën e Paris Saint-Germain për finalen e Ligës së Kampionëve kundër Interit, siç u konfirmua nga njoftimi i klubit këtë të premte. Trajneri Luis Enrique do të ketë të gjithë lojtarët në dispozicion për një ndeshje që mund t’i shohë ata të vulosin një tripletë historike, si dhe titullin e parë të Ligës së Kampionëve në historinë e tyre. Lajmi i plotë...

30/05/2025 02:52-Trashëgimia shqiptare te dy finalistët e Ligës së Kampionëve: PSG dhe Inter

Finalja e madhe e Ligës së Kampionëve, që zhvillohet të shtunën në “Allianz Arena” të Mynihut, përballë do të vërë dy gjigantët e futbollit evropian: Paris Saint-Germain dhe Interin. Kjo sfidë nuk ngjall interes vetëm për madhështinë sportive, por edhe për tifozët shqiptarë, për shkak të lidhjeve të veçanta që emra me prejardhje shqiptare kanë pasur me këto dy klube të mëdha, kur mundësia ishte e vogël. Aktualisht vetëm një shqiptar do të jetë pjesë e finales së madhe, Kristjan Asllani, që luan te Interi, tash e sa vite. Por ka pasur lojtarë shqiptarë që në të shkuarën kanë bartur fanellën e këtyre dy skuadrave, të cilët i gjeni më poshtë. Lexo lajmin e plotë...

30/05/2025 02:50-Lojtarët e Interit vendosin të luajnë në finalen e Ligës së Kampionëve me uniformën e tyre të tretë

PSG dhe Inter do të luajnë finalen e Ligës së Kampionëve në Mynih do të jetë përballja e parë zyrtare midis dy klubeve, dhe skuadra italiane do të ketë gjithashtu një prani shumë të veçantë. Për ndeshjen në “Allianz Arena”, PSG do të jetë skuadra vendase, gjë që e pengon Interin të përdorë ngjyrën ‘Nerazzurre’ të tyre tradicionale. Kur u duk se Interi do të vishet me të bardha (ashtu siç bënë në ndeshjen e parë gjysmëfinale kundër Barcelonës në Montjuic), lojtarët morën vendimin të vishnin uniformën e verdhë.  

30/05/2025 02:49-Interi hap dyert e stadiumit për mijëra tifozë që ta përcjellin finalen e Ligës së Kampionëve

Interi ka njoftuar se do t’i mirëpresë tifozët e tyre në ‘Giuesppe Meazza’ të shtunën, ku mund të mblidhen për të ndjekur finalen e Ligës së Kampionëve kundër Paris Saint-Germain. Finalja do të luhet në ‘BayArena’ në Mynih më 31 maj në orën 21:00. Me pak bileta dhe shumë të vështira për t’u siguruar për një tifoz mesatar, mijëra persona aplikuan dhe mbetën të zhgënjyer. Prandaj, klubi dhe autoritetet e qytetit kanë qenë vendosur ta hapin stadiumin për të mirëpritur tifozët, ku ata mund ta shikojnë ndeshjen së bashku.

30/05/2025 02:47-Yann Sommer me ‘stërvitje speciale’ para finales së Ligës së Kampionëve

Portieri i Interit, Yann Sommer, mori shumë lëvdata për rolin e madh që luajti në ndihmën e ekipit të tij për të avancuar në finalen e Ligës së Kampionëve. Ai mund të kishte pësuar gjashtë gola në dy ndeshjet gjysmëfinale kundër Barcelonës, duke bërë një sërë pritjesh të mëdha për të frustruar skuadrën spanjolle. Portieri i Zvicrës është parë së fundmi duke marrë një sfidë të re duke e detyruar trajnerin e portierëve të hedhë topa tenisi drejt tij. Lexo lajmin e plotë...

30/05/2025 02:45-Gjyqtari i finales së Ligës së Kampionëve

Istvan Kovacs është konfirmuar zyrtarisht si gjyqtari i finales së ardhshme të Ligës së Kampionëve midis Interit dhe Paris Saint-Germain, gjë që është një ogur i mirë për italianët. Kovacs, 40 vjeç, do të jetë njeriu që do të fishkëllojë finalen e Ligës së Kampionëve midis Interit dhe PSG-së në “Allianz Arena” më 31 maj. Kovacs do të shoqërohet nga asistentët rumunë Mihai Marica dhe Ferencz Tunyogi, gjyqtari i katërt Joao Pedro Silva Pinhero nga Portugalia. Në VAR do të jetë Catalin Sorin Popa po ashtu nga Rumania dhe Johan Higler nga Holanda.  
Kjo do të jetë finalja e tretë e garave të UEFA-s që Kovacs do të drejtojë.  

30/05/2025 02:43-Nëse tradita 46-vjeçare vazhdon, PSG do të fitojë Ligën e Kampionëve

Interi dhe Paris Saint-Germain do të përballen në finalen e këtij sezoni të Ligës së Kampionëve, më 31 maj, në Allianz Arena të Mynihut. Ky do të jetë rasti i pestë që qyteti gjerman pret finalen e këtij kompeticioni prestigjioz, dhe historia e ndeshjeve të mëparshme në këtë qytet na jep një fakt interesant: në të gjitha rastet, fituesit kanë rrëmbyer trofeun për herë të parë në histori. Finalja e parë e Kupës së Kampionëve në Mynih u luajt në vitin 1979, kur Nottingham Forest mposhti Malmö FF 1-0 në Stadiumin Olimpik dhe fitoi titullin e parë evropian. Vetëm një vit më pas, ata e përsëritën suksesin, duke u shpallur sërish kampionë. Lexo lajmin e plotë...

30/05/2025 02:42-Kush është favorit për të fituar Ligën e Kampionëve – superkomupjuteri i Opta jep parashikimin

Paris Saint-Germain është cilësuar si favorit për të fituar titullin e Ligës së Kampionëve UEFA për sezonin 2024/25, sipas superkompjuterit të njohur të statistikave, Opta. Pas një paraqitjeje mbresëlënëse në gjysmëfinale, ku mposhti Arsenalin me rezultat të përgjithshëm 3-1, PSG ka siguruar një vend në finalen e madhe, ku do të luajë me Interin, në ndeshjen që do të zhvillohet më 31 maj 2025 në Allianz Arena të Mynihut. Sipas analizave të Opta, shanset e ekipit francez për të ngritur trofeun më prestigjioz të klubeve në Evropë janë vlerësuar në 53.6%. Lexo lajmin e plotë...

30/05/2025 02:40-Patrick Vieira jep mendimin e tij për finalen e Ligës së Kampionëve mes PSG-së dhe Interit

Trajneri i Genoas, Patrick Vieira, ka ndarë mendimet e tij rreth finales së ardhshme të Ligës së Kampionëve midis PSG-së dhe Interit, e cila do të zhvillohet më 31 maj. Interi dhe Paris Saint-Germain do të ndeshen në finalen e madhe të Ligës së Kampionëve dhe njeriu i fundit që ka folur rreth kësaj super-ndeshje është Vieira në një intervistë për gazën La Repubblica. “U rrita në Dreux, isha një tifoz i apasionuar i PSG-së gjatë epokës së Weah dhe Rai, dhe e kujtoj fitoren e paharrueshme ndaj Bayernit. Por gjithashtu ndiej një lidhje të fortë me Interin, me atë ekip të shkëlqyer, me një person kaq të mrekullueshëm si Moratti. Le të themi vetëm, do të jem i lumtur me çdo rezultat. Më 31, do të jem atje”, ka thënë fillimisht Vieira. Lexo lajmin e plotë...

30/05/2025 02:28-“Është një ëndërr vetëm një hap larg nesh”, Lautaro Martinez për finalen e Ligës së Kampionëve

Vetëm 10 ditë para finales së Ligës së Kampionëve, kapiteni i Interit, Lautaro Martinez, ka ndarë ndjenjat e tij përpara asaj që mund të jetë një natë historike për klubin. Duke folur për UEFA-n, Martinez reflektoi mbi rëndësinë e momentit dhe sakrificat e bëra gjatë rrugës. “Kjo Ligë Kampionësh është një ëndërr vetëm një hap larg nesh”, ka thënë fillimisht Lautaro. Lexo lajmin e plotë...