Ministri i Jashtëm iranian, Abbas Araghchi, tha të enjten se dëmi nga lufta 12-ditore me Izraelin ishte "serioz", ndërsa Irani fillon të vlerësojë ndikimin e konfliktit.
"Një vlerësim i detajuar i dëmit po kryhet nga ekspertë të Organizatës së Energjisë Atomike (të Iranit)", tha ai për televizionin shtetëror, shkruajnë mediat e huaja, përcjell Telegrafi.
Ai ka shtuar se "diskutimi për kërkimin e dëmeve" tani ishte lart në agjendën e qeverisë.
Araghchi mohoi me forcë spekulimet se Irani po përgatitet të rifillojë negociatat bërthamore me Shtetet e Bashkuara.
"Disa spekulime rreth rifillimit të negociatave nuk duhet të merren seriozisht", citohet të ketë thënë ai.
"Do të doja të deklaroja qartë se nuk është bërë asnjë marrëveshje, rregullim apo bisedë për të filluar negociata të reja. Ende nuk është përcaktuar asnjë plan për të filluar negociatat".
Kujtojmë se presidenti Donald Trump tha se “asgjë nuk u nxor” nga objektet bërthamore të Iranit para sulmeve amerikane fundjavën e kaluar – pasi ekspertët kanë vënë në pikëpyetje nëse Irani ishte në gjendje të zhvendoste ndonjë nga rezervat e tij të uraniumit të pasuruar shumë nga zona e sulmit përpara kohe.
Postimi i presidentit erdhi disa minuta pasi Sekretari i Mbrojtjes, Pete Hegseth përfundoi një konferencë shtypi në Pentagon, ku ai bëri një pretendim të ngjashëm.
“Nuk jam në dijeni të asnjë informacioni që kam shqyrtuar që thotë se gjërat nuk ishin aty ku duhej të ishin – të zhvendosura ose jo”, tha Hegseth kur u pyet për rezervat e uraniumit të pasuruar.
Komentet e Hegseth akuzoi median për minimizimin e suksesit të sulmeve të SHBA-së ndaj programit bërthamor të Iranit pas një vlerësimi paraprak të rrjedhur nga Agjencia e Inteligjencës së Mbrojtjes që sugjeronte se ato mund ta kenë kthyer Iranin vetëm me muaj prapa. /Telegrafi/
