Një ish-lojtari të Manchester United raportohet se i është ndaluar të hyjë në dhomën e zhveshjes dhe është përjashtuar nga klubi i tij pas një përplasjeje të ashpër.
Marcos Rojo, i cili ka luajtur 122 ndeshje për United, u rikthye në vendlindjen e tij në Argjentinë tek Boca Juniors në vitin 2021 dhe ka fituar tre trofe me klubin.
Ai është pjesë e një grupi prej katër ish-lojtarësh të United në skuadrën e Boca Juniors, së bashku me Edinson Cavani, Ander Herrera dhe Sergio Romero.
Por gjigantët argjentinas po kalojnë një formë të dobët, pasi nuk kanë arritur të fitojnë në 11 ndeshje radhazi brenda 90 minutave.
Boca nuk arriti të siguronte asnjë fitore në fazën e grupeve të Kupës së Botës për Klube dhe arriti vetëm një barazim ndaj skuadrës amatore Auckland City nga Zelanda e Re.
Të dielën, ata pësuan humbje 1-0 ndaj Huracan në fazën e dytë të Primera Division të Argjentinës, duke mbetur në vendin e 13-të në grupin A pas tre ndeshjeve të zhvilluara.
Dhe në mënyrë befasuese, sipas një raporti të ESPN, Rojo është përjashtuar nga skuadra e parë nga trajneri Miguel Angel Russo.
Të dy mendohet se janë përplasur pas ndeshjes, me përplasjen aq të ashpër sa Rojo tani është larguar dhe izoluar nga skuadra.
Thuhet se nuk ka kthim pas për ish-mbrojtësin e Sporting Lisbonës, pasi vendimi muk do të kthehet mbrapsht.
Për këtë arsye, ai duhet të shqyrtojë mundësinë për të ndërprerë kontratën e tij, e cila zgjat deri më 31 dhjetor 2025, nëse dëshiron të largohet dhe të luajë diku tjetër.
Rojo nuk ka luajtur për Bocan që nga fitorja me penallti ndaj Lanus në maj dhe ka qenë në stol në të tre ndeshjet e Kupës së Botës për Klube.
Mendohet se ai u ka komunikuar drejtuesve të klubit se dëshironte të largohej para turneut, por nuk u mor asnjë ofertë zyrtare dhe tani 35-vjeçari ka mbetur në një situatë të paqartë te Boca./Telegrafi/
