Manchester United pritet të ketë një fund të ngarkuar të afatit kalimtar, teksa synon të përmbyllë disa çështje të rëndësishme.
Një nga largimet që klubi dëshiron të zgjidhë është ai i Andre Onanës, i cili nuk gëzon më besimin e trajnerit Ruben Amorim.
Portieri 29-vjeçar është në kërkim të një largimi, por duke qenë se iu bashkua United për një shifër prej 50 milionë eurosh vetëm dy vite më parë, largimi i tij pa kompensim financiar do të përbënte një barrë të madhe për klubin.
Sipas Stretty News, Manchester United shpreson të përfitojë rreth 35 milionë euro nga shitja e kamerunasit, ndërsa ish-klubi i tij, Interi, ka shprehur interesim.
Së fundmi, sipas Indykaila, edhe klubi spanjoll Real Betis ka bërë një pyetje zyrtare në lidhje me situatën e Onanas.
Dy klubet kanë qenë në kontakt gjatë gjithë verës për një transferim të mundshëm të Antonyt në Spanjë, dhe duket se Betis ka shfrytëzuar këtë komunikim për të marrë informacione rreth Onanas.
Ky interesim shihet si disi befasues nga këndvështrimi spanjoll, pasi Betis këtë verë ka afruar dy portierë me përvojë, Pau Lopez dhe Alvaro Valles, të dy me parametra zero, dhe pritet që të konkurrojnë për vendin e titullarit këtë sezon.
Nëse Betis vendos të lëvizë për Onanan, gjasat më të mëdha janë që të tentojnë një huazim, përkundër një marrëveshjeje të përhershme./Telegrafi/
