Liverpooli thuhet se është pranë një oferte rekord prej 152 milionë euro për sulmuesin e Newcastle United, Alexander Isak, vetëm pak orë para mbylljes së afatit të transferimeve të verës.
Kjo ofertë do të ishte më e madhja në historinë e klubit dhe një nga më të mëdhatë në futbollin botëror.
Sipas The Telegraph, bisedimet mes dy klubeve për shitjen e mundshme të Isakut kanë përparuar shumë në 24 orët e fundit.
Liverpooli po përgatit ofertën zyrtare, ndonëse ajo është 20 milionë më pak se kërkesa e Newcastle, që e vlerëson lojtarin 175 milionë euro.
Në të njëjtën kohë, Newcastle është në lëvizje për ta zëvendësuar Isakun. Ata kanë arritur marrëveshje prej 80.7 milionë euro me Stuttgartin për Nick Woltemade, një sulmues 23-vjeçar dhe 1.88 metra i gjatë.
Lojtari ka arritur marrëveshje personale dhe ka mbërritur në Newcastle të enjten për të kryer vizitat mjekësore. /Telegrafi/
