E ardhmja e Alexander Isak duket larg Newcastle United, me sulmuesin suedez që mbetet i vendosur të transferohet te Liverpooli.
Raportimet e fundit nga Anglia thonë se “The Reds” kanë rënë dakord për kushtet personale me 25-vjeçarin, duke i ofruar kontratë deri në vitin 2030, me mundësi zgjatjeje deri në 2031.
Tani, Liverpooli po përgatit një ofertë të dytë zyrtare për Newcastle United, pasi tentativa e parë u refuzua.
Oferta e mëhershme kishte vlerë rreth 120 milionë funte (afërsisht 139 milionë euro), shifër që “Magpies” e konsideruan të pamjaftueshme.
Isak iu bashkua Newcastle-s nga Real Sociedad në verën e vitit 2022 për 70 milionë euro.
Tani Nicola Schira ka raportuar se The Reds do të përgatitin një ofertë të dytë e cila prite të tejkalojë shumën e 150 milionë eurove.
Sezonin e kaluar, ai shkëlqeu me 27 gola dhe 6 asiste në 42 paraqitje në të gjitha garat.
Negociatat mes dy klubeve vazhdojnë, ndërsa Liverpooli shpreson ta kompletojë transferimin para përfundimit të afatit kalimtar. /Telegrafi/
