Mesazhi dhe besimi i Tahir Batatinës për Mirlind Dakun para ndeshjes Shqipëri – Serbi
Tahir Batatina ka qenë mysafiri i radhës në podcastin që është prodhim i Telegrafit, “Arena e Yjeve”.
Trajneri i Llapit ka folur për shumë prapaskena që e rrethojnë karrierën e tij, ndërsa është ndalur të flas edhe për ndeshjen Shqipëri-Serbi, duke thënë se shpreson që Mirlind Daku të shënojë gol.
“Ajo që më bën shumë të lumtur është që Mirlind Daku të shënojë gol”, ka thënë fillimisht Batatina.
“Dhe nëse trajneri i jep besimin, dhe shpresoj që të ja jap sepse forma optimale e Dakut e bën çdo trajner që të mos mendoj dy herë se kush do të luajë titullar”.
“Mendoj se Shqipëria ka potencial me i mposhtë (Serbinë) në këtë ndeshje...”, vazhdon më tej trajneri i klubit nga Podujeva.
Këtë podcast mund ta ndiqni në TV Dukagjini çdo të shtune nga ora 17:10, ndërsa nuk do të ishte i mundur pa përkrahjen e sponsorëve tanë KGM Kosova dhe Golden Eagle Energy Drink. /Telegrafi/
