Një përditësim i rëndësishëm mbi të ardhmen e Alexander Isak ka dalë pak minuta pasi Manchester United përfundoi nënshkrimin e Benjamin Seskos.
E ardhmja e Isakut ka dominuar titujt e mediave këtë verë, me sulmuesin e Newcastle United që aktualisht nuk është duke u stërvitur me ekipin e parë, ndërsa përpiqet të shtyjë përpara një transferim te Liverpooli.
Kampionët e Ligës Premier panë një ofertë që besohej se vlente rreth 110 milionë funte të refuzohet dhe raportet këmbëngulën se ata nuk do të ktheheshin me një ofertë të dytë nëse nuk inkurajoheshin nga Newcastle për ta bërë këtë.
Problemet e Eddie Howe janë përkeqësuar nga pamundësia e “Magpies” për të siguruar objektivat e tyre të transferimeve këtë verë, me Seskon që është bërë lojtari i fundit që refuzon një transferim në St. James Park në favor të një kalimi në Old Trafford.
Neëcastle kishte bërë një ofertë për sulmuesin e RB Leipzig, por raportet sugjerojnë se ata gjithmonë besonin se preferenca e tij ishte të lidhej me Ruben Amorim në Manchester.
Vetëm pak minuta pasi transferimi i Seskos në veriperëndim u konfirmua zyrtarisht nga United, e ardhmja e Isakut duket se është bërë e qartë.
Sipas The Telegraph, bordi i Newcastle United i ka thënë lojtarit të kombëtares suedeze se ai nuk është në shitje dhe nuk do të shitet këtë verë.
Vendimi i Necastle thuhet se ka shkaktuar “ashpërsi” dhe “tension”, me Isakun e tërbuar nga ky vendim, prandaj edhe pozicioni i tij aktual në stërvitje larg ekipit të parë. /Telegrafi/
