Kombëtarja e Kosovës ka pësuar humbje të thellë me rezultat 4-0 në udhëtim ndaj Zvicrës, në kuadër të ndeshjes së parë kualifikuese për Kupën e Botës 2026.
‘Helvetikët’ ia dolën që ta mbyllin çështjen e fituesit qysh në pjesën e parë duke shënuar që të gjithë golat.
Për dy golat e shënuar në këtë sfidë, lojtari më i vlerësuar nga Sofascore ishte Breel Embolo që mori notën 8.5.
Me nota të larta u vlerësuan gjithashtu edhe Manuel Akanji (8.0), Granit Xhaka (7.8) dhe Dan Ndoye (7.7).
Në anën tjetër tek Kosova lojtari me notën më të lartë ishte Florent Muslija me 6.8, ndërsa dy lojtarët më pak të vlerësuar ishin Arijanet Muric dhe kapiteni Amir Rrahmani që u notuan me 5.9.
Kosova tani do të fokusohet tek dueli i radhës ndaj Suedisë, që do të luhet më datë 8 shtator në stadiumin ‘Fadil Vokrri’.
Notat e lojtarëve tjerë të të dyja skuadrave:
/Telegrafi/
