Kosova ka triumfuar në fazën e grupeve të Kampionatit Evropian të eSports që po zhvillohet në Sallën “1 Tetori”, përkatësisht në CS2.
Ekipi ynë mposhti Danimarkën në ditën e dytë të fazës së grupeve me rezultat 2-1 me map-a, duke triumfuar në Mirage dhe Ancient.
Fillimisht në Train, Danimarka triumfoi 13-9, duke lënë një shije të hidhur tek lojtarët tanë që u aktivizuan shumë në Mirage.
Flatron “juanflatrro” Halimi ishte i pandalshëm nga kjo map e tutje, duke shkëlqyer me organzimin dhe vrasjet.
Në Mirage, Kosova triumfoi 13-10, duke shtuar entuziazmin edhe tek te pranishmit në Sallën “1 Tetori”.
Në Ancient kishte plot momentet dramatike, me një udhëheqje të nguste nga ekipi ynë, ndërsa danezët barazonin shifrat gjatë duelit.
Por, lojtarët tanë ishin tejet të fokusuar dhe nuk lëshuan asnjë moment befasie, duke e mbyllur fundin me fitoren 13-9.
Me këtë triumf, ekipi ynë kalon në fazën e play0offit të Kampionatit Evropian të eSports. /Telegrafi/
