Sipas Gianluca Di Marzio dhe Alfredo Pedulla, Torino ka bërë një lëvizje të fortë për mesfushorin e Interit, Kristjan Asllani.
Klubi torinez ka bërë kontakte me mesfushorin, i cili nuk ka arritur një marrëveshje me Bologna pas kërkesës së tij për pagë prej 2 milionë eurosh.
Nga ana tjetër, Torin ka negociata edhe me Venezian për Nicolussi Caviglian, por për momentin nuk ka arritur një marrëveshje me venecianët.
Kjo është arsyeja pse shqiptari është ngjitur në hierarkinë e Granatas, të cilët synojnë të arrijnë një marrëveshje si me lojtarin ashtu edhe me klubin e Interit. Edhe Asllani e do më shumë kalimin te Torino.
Asgjë nuk është përcaktuar ende për ish-lojtarin e Empolit, i cili mbetet në ekuilibër midis Bolognas dhe Torinos, por një gjë është e sigurt, ai do të largohet nga Interi në këtë afat kalimtar.
Sky Sport thekson një detaj tjetër, që Torino po punon për një marrëveshje huazimi me vlerë rreth 1.5 milion euro me një opsion blerjeje rreth 12. /Telegrafi/
