Presidenti i Marseille, Pablo Longoria, ka shpjeguar arsyen pse klubi ndërpreu negociatat për transferimin e Dani Ceballos para se saga të zgjatej më tej.
Marseille konfirmoi se i kanë dhënë fund bisedimeve për të nënshkruar me Ceballos, pasi mesfushori i ‘Los Blancos’ shfaqi pasiguri lidhur me këtë transferim.
Presidenti Longoria zbuloi se sapo u shfaqën ‘dyshimet’ nga ana e lojtarit, klubi vendosi të tërhiqej nga negociatat.
Të dy klubet ishin afër arritjes së një marrëveshje për një transferim prej rreth 15 milionë eurosh, por hezitimi i spanjollit i detyroi Marseille të tërhiqej.
Pas përfundimit në vendin e dytë në Ligue 1 nën drejtimin e Roberto De Zerbi, Marseille kthehet në Ligën e Kampionëve dhe do të përballet me ndeshje të vështira, përfshirë ato kundër Real Madrid, Liverpool dhe Atalanta.
Dështimi i marrëveshjes me Ceballos sugjeron që OM tani do të drejtohet drejt alternativave të tjera për mesfushën, ndërsa synon të ndërtojë një ekip konkurrues në Evropë.
“Rrethanat e tregut mund të ndryshojnë ndjeshëm, dhe gjëja më surprizuese është se kur situatat janë të pasigurta apo ka dyshime, është më mirë t’i komunikosh ato në kohë dhe të mos i zgjatësh deri në fund”, ka thënë Longoria./Telegrafi/
