Roma ka gjetur akordin me Aston Villan për transferimin e Leon Bailey, duke i bërë trajnerit Gian Piero Gasperini një dhuratë të shumë kërkuar.
Sipas Gazzeta dello Sport, marrëveshja është arritur në formën e huazimit me pagesë rreth dy milionë euro dhe me të drejtë blerjeje të kartonit për 23 milionë euro.
Sulmuesi xhamajkan pritet të mbërrijë në kryeqytetin italian të hënën, pasi mbeten vetëm detajet e fundit për t’u mbyllur me agjentët e tij, të cilët tashmë ndodhen në Romë. Me këtë lëvizje, Bailey do të bëhet futbollisti i parë nga Xhamajka që vesh fanellën e klubit nga kryeqyteti italian.
27-vjeçari ka pasur një karrierë të bujshme në Evropë: 39 gola në 156 paraqitje me Bayer Leverkusen, përpara se të transferohej te Aston Villa. Në sezonin 2023/24, ai shkëlqeu në Ligën Premier me 14 gola dhe po aq asistime.
Megjithatë, konkurrenca e madhe në skuadrën angleze e detyroi të kalojë më shumë kohë në stol gjatë muajve të fundit.
Tani Bailey shpreson të rilindë në Serie A dhe të bëhet një nga lojtarët kyç të Gasperinit në aventurën e tij të re me Romën. /Telegrafi/
