Jadon Sancho është pranë marrjes së një vendimi për të ardhmen e tij larg Manchester United, dhe sipas asaj që ka mësuar Football Italia, ai ka tre opsione konkrete në Serie A.
Sulmuesi i padëshiruar nga “Djajtë e Kuq” nuk ka mungesë kërkesash, pasi mundësitë për të nuk mungojnë as në liga të tjera evropiane. Megjithatë, janë tri klubet italiane që kanë bërë hapa konkretë për ish-lojtarin e Borussia Dortmund.
Fillimisht, Sancho kishte dhënë aprovimin e tij për një transferim te Juventus, me ndërmjetës që kanë vizituar qendrën stërvitore të Continassa të paktën tre herë.
Drejtori sportiv Damien Comolli ishte i përfshirë aktivisht në proces dhe kishte për qëllim të mbyllte marrëveshjen, por rregulli “një futbollist brenda, një jashtë” që po ndjek Juventusi, e la transferimin pezull për momentin.
Ndërkohë, janë përfolur edhe kontakte me Interin. Një agjent i afërt me të dy klubet, si me Interin ashtu edhe me Manchester United, ka zhvilluar takime për të diskutuar pagën e Sanchos dhe një tarifë të mundshme transferimi.
Megjithatë, Inter vazhdon të ketë prioritet Ademola Lookman nga Atalanta, i konsideruar si opsioni A i klubit zikaltër, duke e lënë Sanchon si plan alternativ.
Football Italia ka konfirmuar gjithashtu se edhe Roma ka hyrë në garë, duke pasur kontakte të drejtpërdrejta për të eksploruar mundësinë e transferimit të Sanchos.
Klubi verdhekuq ka marrë informacion të detajuar mbi situatën dhe po qëndron aktiv në komunikim./Telegrafi/
