I propozuari i Listës Serbe për nënkryetar, Slavko Simiq nuk ka arritur të zgjidhet.
Për Simiqin votuan vetëm 10 deputetë, 55 ishin kundër dhe 23 abstenime.
Deputetët e LVV-së votuan kundër, kurse deputetët e PDK-së abstenuan.
LDK dhe AAK nuk morën fare pjesë në votim.
Lista Serbe propozoi sërish deputetin Simiq për nënkryetar. Edhe në raundin e dytë të votimit ai nuk mori votat e duhura.
Ai mori sërish vetëm 10 vota për, 56 kundër dhe 21 abstenime.
Edhe në raundin e tretë ai nuk u zgjodh, nuk mori sërish votat e duhura.
Ndërkaq Emilija Rexhepi nga komunitetet joshumicë jo serbe, arriti të zgjidhet duke marrë 73 vota për, 1 kundër dhe 23 abstenime. /Telegrafi/
